ԷՆԵՐԳԻԱՅԻ ԿԱՌԱՎԱՐՈՒՄ. ԵՐԲ ՄՇՏԱԿԱՆ ՀՈԳՆԱԾՈՒԹՅՈՒՆ ԵՆՔ ԶԳՈՒՄ

Ի՞նչ անել, եթե հոգնածություն ու ծուլություն ենք զգում ոչ թե ժամանակ առ ժամանակ, այլ անդադար: Ոչ սուրճն է օգնում, ոչ համեղ ուտելիքը, ոչ հանգստյան օրերին երկար քնելը: Այսպիսի իրավիճակում հիմա միլիոնավոր մարդիկ են: Մի ամբողջ գերհոգնած մարդկություն: Եվ ուրեմն, ի՞նչն է այս ամենի պատճառը:

4926

Ժամանակակից մարդն ամեն ինչ ունի: 

Իհարկե, ոչ բոլորի ֆինանսական հնարավորություններն են ամեն ինչ թույլ տալիս, բայց ընդհանուր առմամբ, ամեն անհրաժեշտ բան անմիջապես մեր ձեռքի տակ է:

Աշխատանքի համար մենք ունենք համակարգիչ, ինտերնետ, մեքենա:

Սպորտով զբաղվելու համար ունենք մարզադահլիճ այցելելու հնարավորություն, կամ գուցե այդ մասին հոգում է հենց մեր գործատուն, ի վերջո ունենք բակում վազելու հնարավորություն:

Ընտանեկան երջանկության համար ունենք կին կամ ամուսին, երեխա, տուն:

Ամեն ինչ կա և մենք ամեն ինչ գիտենք: 

Գիտենք, որ պետք է առավոտյան մարզվել, քիչ դիտել հեռուստացույց, շատ կարդալ գրքեր, գիտենք, որ պետք է ուրախություն նվիրել մեր սիրելի մարդկանց: Գիտենք, բայց չենք անում: Կամ տարվա մեջ մեկ անգամ գոնե փորձում ենք փոխվել, նոր մարզակոշիկներ ենք գնում, սկսում ենք արթնանալ առավոտյան ժամը 6-ին և սկսում ենք վազել: Դա տևում է 2-5 օր: Հաջորդ փորձը հետաձգվում է ևս 363 օրով:

մշտական հոգնածություն

Խնդիրն այն չէ, որ մենք կամքի ուժ չունենք: Կամքի ուժը սահմանափակ ռեսուրս է: Այդ դեպքում ինչո՞ւմն է խնդիրը: Մենք ունենք էներգիայի պակաս:

Երբ մեքենային չի բավականացնում էներգիան, նրա մեջ բենզին են լցնում: Իսկ մենք ի՞նչ պետք է անենք, երբ էներգիայի պակաս ունենք:

ԷՆԵՐԳԻԱՅԻ ԿԱՌԱՎԱՐՈՒՄ

Energy typesԿա 4 տեսակի էներգիա. որքան ցածր է էներգիայի մակարդակը, այնքան կարևոր է այն մեր արդյունավետ աշխատանքի համար:

ՖԻԶԻԿԱԿԱՆ ԷՆԵՐԳԻԱ

Մանրակրկիտ մշակված պլան, ժամանակի կառավարում, խոշոր պարգևավճարներ, մարդիկ, ովքեր սպասում են մեր աշխատանքի արդյունքներին. այս ամենը հրաշալի մոտիվացնում է աշխատելու համար: Բայց այդ ամենը դառնում է անկարևոր, եթե մենք 2 օր չենք քնել կամ անտանելի գլխացավ ունենք:

Եթե մենք ունեք խնդիր ֆիզիկական էներգիայի հետ, ապա մնացած ամեն ինչը նշանակություն չունի. մենք ձախողման ենք դատապարտված: Եվ ուրեմն, ինչպես լրացնել ֆիզիկական էներգիայի պակասը, ինչպես վերականգնել այն:

Պետք է սպորտով զբաղվել, բայց միայն այն սպորտով, որն իրոք մեզ դուր է գալիս, կլինի դա ֆուտբոլը, զբոսանքը, լողը, հեծանիվը, թենիսը, թե մեկ ուրիշ բանը: Պարզապես մենք դա պետք է սիրով անենք, այլ ոչ թե պարտադրված:

Պետք է քնել առնվազն 7 ժամ գիշերը: Իսկ ինչ վերաբերում է ցերեկային քնին, դա պարզապես հրաշք է , այդ դեպքում կարելի է ունենալ երկու լիարժեք օր՝ մեկի փոխարեն:

Պետք է սնվել ճիշտ, թարմ սնունդ ուտել՝ ոչ շատ քաղցր, ոչ յուղային: Այստեղ ամեն ինչ պարզ է, մնում է միայն, որ դա մեզ համար սովորական ու բնական բան դառնա:

Եվ վերջապես, պետք է հրաժարվել ալկոհոլից ու սուրճից:

ՀՈՒԶԱԿԱՆ ԷՆԵՐԳԻԱ

Եթե լավ քնել ենք, ոչ մի տեղը չի ցավում, բայց վիճել ենք ինչ-որ մեկի՝ մտերիմ ընկերոջ, ծնողների կամ կնոջ հետ, կկարողա՞նք արդյոք աշխատել, երբ մեր մեջ եռում է ադրենալինը: Կկարողանք՝ 1 րոպե աշխատելով և 10 րոպե վեճի մասին մտածելով:

Մինչդեռ հակառակ իրավիճակում, երբ մեզ գովում են կամ երբ լավ նորություն ենք ստացած լինում, մտածում ենք դրական բաների մասին, ստեղնաշարի կոճակներն ասես իրենք իրենց են սեղմվում, ամեն ինչ այնքան հեշտ ու լավ է ստացվում, ասես մեր ուժերը կրկնապատկվում են: Հաճույքը, հնարավորությունը, արկածախնդրությունը, ոգևորվածությունը, մարտահրավերները, այս ամենը վերականգնում են մեր հուզական էներգիան, մինչդեռ բարկությունը, վիրավորվածությունը, նյարդայնությունը խլում են այն մեզնից:

ՄՏԱՎՈՐ ԷՆԵՐԳԻԱ

մշտական հոգնածություն

Դա կենտրոնանալու, պլանավորելու, ժամանակը կառավարելու և ստեղծագործ մոտեցում ցուցաբերելու կարողությունն է: Եվ եթե դրանց հետ խնդիր ունենք, ապա պետք է մոռանալ բթացնող աշխատանքի, համակարգչային խաղերի, սոց.ցանցերի և, իհարկե, հեռուստացույցի մասին: Վերջինս պարզապես մթագնում է մեր ուղեղի աշխատանքը: Փոխարենը պետք է գիրք կարդալ, երաժշտությամբ զբաղվել, նկարել, շախմատ խաղալ և այլն:

ՀՈԳԵՎՈՐ ԷՆԵՐԳԻԱ

Ինչո՞ւ ենք մենք ապրում: Ինչո՞ւ ենք աշխատում հենց այս աշխատավայրում: Ո՞ւր ենք ուզում հասնել, ինչի՞ կհանգեցնի մեզ այն, ինչով զբաղվում ենք հիմա:

Մարդկանց շատ քիչ մասն է մտածում այս ամենի մասին: Մարդիկ կարող են տարիներով անել նույն աշխատանքը, առանց շունչ քաշելու անընդհատ վազել և չմտածել այդ մասին: Այդ կերպ աշխատել, անշուշտ, հնարավոր է, բայց հասնել մեծ արդյունքների՝ ոչ:

Էներգիայի այս տեսակը լրացնել հնարավոր է՝ մեր առջև մեծ նպատակներ դնելով, բարեգործությամբ զբաղվելով, մարդկանց օգնելով, լավ ու կարևոր գործեր անելով:

ԿՅԱՆՔԻ ԶԱՐԿԵՐԱԿԸ

Էներգիայի կառավարման ամենակարևոր հասկացություններից մեկը այս համաչափ ընթացքն է՝ ԱՇԽԱՏԵՑԻՐ – ՀԱՆԳՍՏԱՑԻՐ – ԱՇԽԱՏԵՑԻՐ – ՀԱՆԳՍՏԱՑԻՐ:

Պետք է հետևել այս հերթականությանը: Խնդիրներն առաջանում են այն ժամանակ, երբ մենք տարվում ենք աշխատանքով և առաջնորդվում ենք այլ հերթականությամբ՝ ԱՇԽԱՏԵՑԻՐ-ԱՇԽԱՏԵՑԻՐ-ՍՈՒՐՃ ԽՄԵՑԻՐ-ԱՇԽԱՏԵՑԻՐ-ՍՈՒՐՃ ԽՄԵՑԻՐ-ԷԼԻ ԱՇԽԱՏԵՑԻՐ:

Մեզ պետք է հանգստանալ՝

Աշխատանքային օրվա մեջ՝ ընդմիջումներ,
24 ժամվա մեջ՝ գիշերային քուն, ցերեկային քուն,
Շաբաթվա մեջ՝ հանգստյան օրեր,
Տարվա մեջ՝ արձակուրդ:

Մի զոհաբերեք քունը, մի ծանրաբեռնեք ստամոքսը, լիտրերով սուրճ մի խմեք, մի փնթփնթացեք, նկատեք դրականը շրջապատում: Ձեր հնարավորություններն անսահման են, ձեզ պարզապես էներգիա է պակասում: Եվ հիմա դուք գիտեք, թե որտեղից այն վերցնել:

In this article


Join the Conversation