ԻՆՉՊԵՍ ՃԻՇՏ ԼԻՑՔԱՎՈՐԵԼ ԵՎ ԵՐԿԱՐԱՑՆԵԼ ՍՄԱՐԹՖՈՆԻ ՄԱՐՏԿՈՑԻ ԿՅԱՆՔԸ

Մեր կապի միջոցները միշտ մեր ձեռքի տակ են: Եվ եթե հանկարծ մարտկոցը լիցքաթափվում է ամենակարևոր պահի, մենք խուճապի ենք մատնվում ու մեզ բոլորովին անօգնական զգում: Այս հինգ պարզ կանոնները կօգնեն երկարացնել ձեր սմարթֆոնի կամ նոթբուքի մարտկոցի կյանքը:

1034
ԻՆՉՊԵՍ ՃԻՇՏ ԼԻՑՔԱՎՈՐԵԼ ԵՎ ԵՐԿԱՐԱՑՆԵԼ ՍՄԱՐԹՖՈՆԻ ՄԱՐՏԿՈՑԻ ԿՅԱՆՔԸ

Տեխնո գիգանտների համար ժամանակի մարտահրավերը մարտկոցների հզորությունն է: Մրցակցությունում հաղթում է այն ընկերությունը, որը ավելի երկարակյաց մարտկոցով սարք է ներկայացնում: Բայց նոթբուքների, սմարթֆոնների կամ այլ գաջեթների մարտկոցի երկարակեցությունը կախված է նաև օգտատիրոջից:

Խորհուրդներ, որոնք կօգնեն մարտկոցները դարձնել երկարակյաց:

1. Թույլ մի տվեք` դանակը հասնի ոսկորին: Մի սպասեք, որ սարքը լիցքաթափվի մինչև 0%: Լավ կլինի սմարթֆոնը կամ նոթբուքը պարբերաբար լիցքավորել:

2. Մարտկոցները 100% լիցքավորված լինելու կարիք չունեն: Բավական է 40-80%-ի լիցք ունենալ: 100%-ով լիցքավորվելու դեպքում անջատեք հոսանքից:

3. Ամիսը մեկ անգամ թողեք լիցքաթափվի մինչև 0%, հետո սարքը լիցքավորեք մինչև 100%: Սա մարտկոցի համար օգտակար «restart» է:

4. Թույլ մի տվեք սարքերը տաքանան, պահեք դրանք սենյակային ջերմաստիճանի պայմաններում: Բարձր ջերմաստիճանը վատ է ազդում մարտկոցի գործունեության վրա:

5. Մի աշխատեք նոթբուքը ծնկներին դրած: Սա ոչ միայն վնասակար սովորություն է առողջության տեսանկյունից, նաև տաքացնում է ու վնասում մարտկոցը:

Հետևեք կանոններին, բայց հիշեք, որքան էլ հոգատար լինեք, մարտկոցները օգտատերերին ծառայում են 2-3 տարի:

Աղբյուր

In this article


Join the Conversation