Ի՞նչ է ինքնազարգացումը. առաջ շարժվելու մեթոդները

Ըստ հոգեբանների՝ ինքնազարգացումը մարդու գիտակցված աշխատանքն է ինքն իր վրա. այն անձի ինքնուրույն զարգացումն ու կատարելագործումն է: Մարդն իր առջև որոշակի նպատակներ է դնում ու փորձում իրագործել դրանք՝ փոխելով ինքն իրեն ու իր կյանքը: Ինքնազարգացումը ոչ պարզ, բայց ճշմարիտ ուղի է հաջողությունների հասնելու համար, անձնական աճ է առանց մյուսներին ճնշելու,...

913
Ինչ-է-ինքնազարգացումը-11

Ըստ հոգեբանների՝ ինքնազարգացումը մարդու գիտակցված աշխատանքն է ինքն իր վրա. այն անձի ինքնուրույն զարգացումն ու կատարելագործումն է: Մարդն իր առջև որոշակի նպատակներ է դնում ու փորձում իրագործել դրանք՝ փոխելով ինքն իրեն ու իր կյանքը:
Ինքնազարգացումը ոչ պարզ, բայց ճշմարիտ ուղի է հաջողությունների հասնելու համար, անձնական աճ է առանց մյուսներին ճնշելու, ինքնավերլուծություն է, որը թույլ է տալիս ստեղծել ներդաշնակություն:

Դադարի վտանգավորությունը
Մարդու՝ զարգանալու և առաջ գնալու մղումը տարեցտարի մարում է, ինչը հանգեցնում է հետընթացի (դեգրադացիայի):
Երբ մարդուն թվում է, թե ամեն ինչ կախված է մյուսներից ու տարբեր հանգամանքներից, ապա արդեն սկսվում է հետընթացի փուլը: Հատկապես վտանգավոր է, երբ հետընթացի փուլում գտնվող մարդուն շրջապատում են երեխաներ, ովքեր հեշտությամբ են ընդօրինակում դիմացինի վարքագիծը:

Ինչպե՞ս առաջընթաց ունենալ

Ինչ-է-ինքնազարգացումը-22
Ձեր հիշողության մեջ փնտրեք որևէ երազանք: Բռնեք այն ու ամուր պահեք, այսինքն՝ ոչ թե ուղղակի երազեք, այլև այն իրականացնելու փորձեր արեք:
Փնտրեք համախոհներ, ովքեր ևս կցանկանան շարժվել ձեր ճանապարհով, դժվարություններ հաղթահարելով և մեկդ մյուսին օգնելով:
Անընդհատ ոգևորեք ինքներդ ձեզ, ուրախացեք փոքրիկ փոփոխություններով, գովաբանեք ինքներդ ձեզ:
Կիսվեք ձեր մտքերով ու ծրագրերով. դա բավականին լավ է լիցքավորում:
Եվ ի վերջո գործեք, կատարեք առաջին քայլը, գործողությունների էներգիան մոտիվացնող հզոր դաշտ է ստեղծում: Ինչպես ասել է Կոնֆուցիոսը, կարևոր չէ՝ որքան դանդաղ եք առաջ շարժվում, քանի դեռ կանգ չեք առել:
Ինքնազարգացումը դադարեցնելը հանգեցնում է ոչ դրական հետևանքների: Ձգտելով կատարելության ու ներդաշնակության՝ մարդը փոխում է ոչ միայն իրեն, այլև շրջապատող աշխարհը:

 

In this article


Join the Conversation