ՀՈԳԵԲԱՆԱԿԱՆ ԹԵՍՏ․ ԶԵՖԻՐԱՅԻՆ ՓՈՐՁԱՐԿՈՒՄ

Ձգձգված հաճույք՝ սա սպասելու, հաճույքը հետաձգելու կարողությունն է, որպեսզի ստանաս այն, ինչ ուզում ես։ Բազմաթիվ ուսումնասիրությունները ցույց են տվել, որ կենդանիներն այսպես չեն վարվում, ուստի սա բնորոշ է միմիայն մարդուն։

630
զեֆիր-2

Սպասելու կարողությունը, հաճույքը հետաձգելու կամքը հայտնի է տարբեր անվանումներով, այդ թվում նաև՝ կամքի ուժ, ինքնակառավարում կամ ազդակների կառավարում։

Զեֆիրային թեստի հեղինակը հոգեբան Վոլտեր Միշելն է, ով ավելի ուշ դառնում է Սթենֆորդի համալսարանի պրոֆեսոր։

Թեստը հնարավորություն է տալիս պարզելու զգացմունքների ու իրավիճակների փոփոխությունները տարիքային տարբեր փուլերում։

                        Փորձի նպատակը

 

4-ամյա երեխաներին տրվում է փոքրիկ զեֆիր, որից հետո փորձարկողը ինչ-ինչ գործերով 20 րոպեով դուրս է գալիս սենյակից ու երեխաներին կանգնեցնում ընտրության առջև՝ կա՛մ ուտել զեֆիրը, կա՛մ սպասել իր վերադարձին, որից հետո  մեկի փոխարեն կստանան երկու զեֆիր։ Գաղտնի տեսախցիկը նկարահանում է երեխաների պահվածքը։ Նրանց մի մասն անմիջապես ուտում է, իսկ մյուս մասը մի  քանի րոպե սպասելուց հետո սկսում է ուտել։ Երեխաներից ընդամենը մի քանիսն է  կարողանում դիմանալ․ նրանք փորձում են երգել, փակել աչքերը, խաղալ, քնել, որպեսզի խուսափեն գայթակղությունից։

Թեստի նպատակը երեխաների մտավոր զարգացման կարևորագույն հատկանիշները հայտնաբերելն է։

Այս թեստն անցկացնելով արդեն դպրոցական տարիքում գտնվող նույն երեխաների հետ՝ պարզվում է, որ դրանք համապաստասխանում են նախկինում արված փորձի տվյալներին։
Նրանք, ովքեր կարողացել էին համբերել, դեռահասության շրջանում հասել էին հաջողությունների և ընդհանրապես ավելի երջանիկ էին, քան նրանք, ովքեր նախընտրել էին միանգամից ուտել զեֆիրը։

Հաճույքը հետաձգելու կարողությունը էմոցիոնալ ինտելեկտի բնորոշ հատկանիշներից է, որը մեծ դեր է ունենում ողջ կյանքի ընթացքում։

Էմոցիոնալ ինտելեկտը (EQ) հոգեբանական հասկացություն է, որն ի հայտ է եկել դեռևս 1990 թվականին։ Այս ունակության շնորհիվ են մարդիկ կարողանում գիտակցել ու հասկանալ իրենց ու շրջապատողների զգացմունքները։
Առանձնացվում են EQ-ն կազմող 4 գլխավոր հատկանիշներ՝ ինքնագիտակցում, ինքնակառավարում, էմպատիա (ուրիշների զգացմունքները, գիտակցելու և հասկանալու կարողություն), հարաբերությունների հմտություններ։
Այն մարդիկ, ովքեր ունեն այս հատկանիշը, չեն ձգտում ստանալ ամեն ինչ նույն պահին։
Արագ սննդի դարաշրջանում շատ մարդիկ կորցրել են համբերելու կարողությունը։ Բավական է շուրջը նայել ու կտեսնենք մեզ շրջապատող բազմաթիվ մարդկանց, ովքեր չունեն բավականաչափ կարողություն սեփական մղումները կառավարելու համար։ Սա բնավորության այն գծերից է, որ կարելի է սովորել։ Շատ երեխաներ արագ սովորում են սպասել, իսկ հաճույքը հետաձգելու կարողությունը դառնում է սովորություն։

In this article


Join the Conversation