ՀԱՐՑԱԶՐՈՒՅՑ ՊԼԱՍՏԻԿ ՎԻՐԱԲՈՒՅԺ ԿԱՐԵՆ ԴԱՆԻԵԼՅԱՆԻ ՀԵՏ

Պլաստիկ վիրաբույժ Կարեն Դանիելյանին հանդիպեցի «Արզնի Էսթետիկա» կլինիկայի կանաչապատ այգում, երբ նա հանգստանում էր վիրահատությունից հետո։ Անմիջապես որոշեցի առիթն օգտագործել ու շտապեցի իմ հարցերն ուղղելու հայտնի բժշկին։ Մեծ էր ցանկությունս նրա հետ զրուցելու «Ամենահայկական Քիթ» մրցույթ-ակցիայի թեմայով։

276
Կարեն-Դանիելյան-11

Դե ինչ, սկսում ենք պարզել հետաքրքիր մանրամասներ հենց մրցույթը նախաձեռնող բժշկից։

 

– Արդեն 17-րդ անգամ է, ինչ կազմակերպվում է այս մրցույթ-ակցիան։ Ո՞րն է գլխավոր նպատակը։

– Նպատակը մեկն է՝ անվճար կամ զեղչով վիրահատվելու հնարավորություն տալ բոլոր նրանց, ովքեր ունեն մեծ ցանկություն, բայց չունեն ֆինանսական հնարավորություն:
Քանի որ վիրահատվողները հիմնականում ուսանողներ են լինում, այդ իսկ պատճառով մրցույթի նախապատրաստական աշխատանքներն անցկացվում են մայիսին, իսկ վիրահատությունները կատարվում են ամռան երեք ամիսների ընթացքում:

 

-Որո՞նք են մասնակցելու պայմանները։

-Ակցիային մասնակցել կարող են բոլորը․ դրա համար ընդամենը պետք է դիմել երևանյան գրասենյակ մայիսի 1-ից 30-ը, նկարվել, թողնել տվյալներն ու ստանալ մրցույթին մասնակցելու անհատական կտրոն:

 

– Ինչպիսի՞ն է մրցույթի կանոնակարգը․տեղերը սահմանափակ են, թե՞ ունեք նաև խրախուսական մրցանակներ։

-Մրցույթի մասնակիցների համար նախատեսված է երեք մրցանակ՝ առաջին տեղը գրավող մասնակիցը ստանում է անվճար վիրահատվելու հնարավորություն, իսկ երկրորդ և երրորդ տեղերը զբաղեցրած մասնակիցները ստանում են համապատասխանաբար 75 % և 50 % զեղչի իրավունք: Մնացած բոլոր մասնակիցներին հնարավորություն է ընձեռվում վիրահատվելու 25 % զեղչով:

 

– Ի՞նչ սկզբունքով է ընտրվում հաղթողը, կա՞ն որոշակի չափանիշներ:

– Հաղթողն ընտրվում է բժիշկներից, արվեստագետներից, քանդակագործներից, անթրոպոլոգներից (մարդաբաններ) կազմված ժյուրիի կողմից: Նրանք ընտրում են ամենամեծ և դեմքին չհամապատասխանող քիթը: Դա տեղի է ունենում քվեարկության միջոցով՝ հաշվի առնելով ձայների մեծամասնությունը:

 

– Ո՞ր տարիքից է թույլատրվում քթի պլաստիկ վիրահատությունը։

-Վիրահատությունը թույլատրվում է՝ սկսած 17-18 տարեկանից, սակայն շնչառական խնդիրների առկայության դեպքում կարելի է անել նաև ավելի վաղ տարիքում:

 

-Ո՞ր թվականից է իրականացվում մրցույթը. արդյո՞ք շատ են մասնակիցները։

– «Ամենահայկական քիթ» մրցույթ-ակցիան իրականացվում է 2001 թվականից: Ինչպես արդեն նշեցիք, սա թվով տասնյոթերորդն է: Ամեն տարի մրցույթին մասնակցում է ավելի քան 1000 հոգի, սակայն բոլորը չէ, որ վիրահատվում են, քանի որ նրանցից շատերը մասնակցում են առաջին տեղը գրավելու և անվճար վիրահատվելու նպատակով:
Հետաքրքիրն այն է, որ չընտրվելուց հետո, ճիշտ է, չեն վիրահատվում, բայց չեն հուսահատվում և շարունակում են մասնակցել հաջորդ տարի հաղթելու հույսով։

 

– Ո՞ր սեռի ներկայացուցիչներն են գերակշռում. տղամարդիկ երբևէ եղե՞լ են հաղթողի դերում:

– Գեղեցկանալ սիրում են բոլորը, սակայն մրցույթի մասնակիցների թվում գերակշռում են կանայք․ մասնակիցների 75 %-ը կանայք են, իսկ 25 %-ը՝ տղամարդիկ: Իհարկե, հաղթողների թվում եղել են նաև տղամարդ մասնակիցներ:

 

– Ո՞րն է «Արզնի էսթետիկա» կլինիկայի հաջողության գրավականը։

– Մեր կլինիկան հագեցած է բժշկական լավագույն տեխնոլոգիաներով, ծառայությունների մատուցման բարձր որակով, էկոլոգիական սնունդով, բարձրակարգ մասնագետներով, ովքեր անընդհատ կատարելագործվում ու վերապատրաստվում են: Բացի այդ, կլինիկան գտնվում է առողջարանային մարզում, հետևաբար նպաստում է հետվիրահատական շրջանում հիվանդների՝ վերականգնողական գործընթացի արագացմանը:

 

– Որքա՞ն է տևում վիրահատությունը: Լինո՞ւմ են բարդություններ հետվիրահատական շրջանում։

– Վիրահատությունը տևում է 2-3 ժամ՝ կախված ծավալից ու բարդություններից: Ինչ վերաբերում է հետվիրահատական շրջանում առաջացող բարդություններին, ապա դրանք չեն բացառվում, սակայն մենք ամեն հնարավոր բան անում ենք ռիսկի գործոնը նվազեցնելու և զրոյի հասցնելու համար:

 

– Ի՞նչ խորհուրդ կտաք բոլոր նրանց, ովքեր վախենում են քթի պլաստիկ վիրահատությունից, բայց վիրահատվելու և գեղեցիկ քիթ ունենալու մեծ ցանկություն ունեն:

– «Արզնի էսթետիկա» կենտրոնը վստահություն է ներշնչում գերժամանակակից տեխնիկայի հագեցվածությամբ, հարմարավետությամբ, գերազանց պայմաններով, բանիմաց մասնագետներով: Նշեմ նաև, որ հետվիրահատական խնամքն ու բարդությունների կանխարգելումը կատարվում են ԱՄՆ պլաստիկ վիրաբուժության և ԱՄՆ քույրական ասոցիացիաների արձանագրության պահանջներին համապատասխան։

 

In this article


Join the Conversation