![](https://www.internest.am/wp-content/uploads/2015/12/100-business-secrets-3-1132x670.jpg)
Պատահում է այնպես, որ ծննդյան օրը ոչ միայն դու ես նվերներ ստանում, այլև այդ օրը դարձնում ես իսկական «նվեր» հարյուրավոր մարդկանց համար: Դեկտեմբերի 9-ը ոչ միայն Վահագն Դիլբարյանի համար էր տոն, ով վերջապես տպագրված էր տեսնում իր տարիների աշխատանքը՝ «100 Բիզնես Գաղտնիքներ» գիրքը, այլև բիզնեսով հետաքրքրված, ակտիվ ու նպատակասլաց երիտասարդության համար: Վերջիններս ամիսներ շարունակ անհամբեր սպասում էին այսօրվան, չէ՞ որ հայկական իրականության մեջ հաճախ չեն նման իրադարձությունները:
![100 բիզնես գաղտնիքներ](https://www.internest.am/wp-content/uploads/2015/12/100-business-secrets-5.jpg)
Վահագն Դիլբարյանը՝ Բիզնես Բլոգերը, այսպես էր որոշել անցկացնել իր ծննդյան օրը՝ գրքի երկար սպասված շնորհանդեսը նշանակելով իր 30-ամյակի օրը՝ 18:38 խորհրդանշական ժամին:
Ասել, որ շնորհանդեսը բազմամարդ էր, շատ քիչ կլինի: «100 բիզնես գաղտնիքներ» գիրքը նախատեսված է նրանց համար, ովքեր ունեն նպատակներ, հետաքրքրվում կամ արդեն իսկ զբաղվում են բիզնեսով, ցանկանում են աճել, զարգանալ և ինքնակրթվել: Շնորհանդեսին ներկա այդպիսի երիտասարդների թիվը անցնում էր առնվազն 500-ը:
Գիրքը բավական մեծածավալ է՝ 676 էջ: Այն առ այսօր ամենածավալուն բիզնես գիրքն է հայկական իրականության մեջ: Գրքի թեմաները 100-ն են և ընդգրկում են բազմազան պատմություններ գործարարների կյանքի, փորձի, կայացրած կարևորագույն որոշումների և բիզնես լուծումների մասին:
Ժամեր շարունակ հերթ կանգնելուց հետո՝ գրքի «տերերը» դուրս էին գալիս սրահից երջանիկ ժպիտով ու ոգևորված: Ով գիտի՝ նրանցից յուրաքանչյուրը ինչ մեծ երազանքների ու հեռանկարների մասին մտքերով էր տարված: Ինչպե՞ս կմոտիվացնի ու կոգեշնչի նրանց այս գիրքը, որի առաքելությունը հայ ապագա գործարարների սերնդին կրթելն ու գրագետ բիզնես մոտեցումներ ձևավորելն է:
![100 բիզնես գաղտնիքներ](https://www.internest.am/wp-content/uploads/2015/12/100-business-secrets-15.jpg)
Internest.am-ը կհետևի ու կպատմի ձեզ հայկական ստարտափ և բիզնես միջավայրում նոր անունների և նոր ձեռքբերումների մասին, իսկ գիրքն ընթերցելուց հետո խոստանում ենք մանրամասն ներկայացնել նաև այն ամենակարևորն ու հետաքրքիրը, որ կարող է գտնել ընթերցողը «100 բիզնես գաղտնիքներ» գրքում:
![100 բիզնես գաղտնիքներ](https://www.internest.am/wp-content/uploads/2015/12/100-business-secrets-6.jpg)
In this article
- ԱՐՏԱԴՐՎԱԾ Է ՀԱՅԱՍՏԱՆՈՒՄ
- ԳՐՔԵՐ
- 100 բիզնես գաղտնիքներ
- բիզնես
- Բիզնես բլոգ
- բիզնես բլոգեր
- բիզնես գաղտիքներ
- բիզնես գիրք
- բիզնես գրքեր
- բիզնես թրեյներ
- բիզնես խորհուրդներ
- բիզնես հեղինակ
- գիրք
- գրքեր
- հայերեն գրքեր
- հայկական գրքեր
- հաջողակ մարդիկ
- մարքեթինգ
- մարքեթինգային գիրք
- մարքեթինգային գործիքներ
- մարքեթոլոգ
- մոտիվացիոն գրքեր
- մոտիվացնող գրքեր
- շնորհանդես
- Վահագն Դիլբարյան
Join the Conversation