![Ինչպես գրել ուղեկցող նամակ](https://www.internest.am/wp-content/uploads/2016/02/Inchpes-grel-uxekcox-namak-1132x670.jpg)
Աշխատանքի համար դիմելիս ռեզյումեին ուղեկցող նամակ գրելը ամբողջ աշխարհում վաղուց ընդունված երևույթ է, մինչդեռ Հայաստանում շատերը իրենց ռեզյումեն ուղարկում են գործատուին առանց անգամ ողջունելու և ներկայանալու, հաստիքը նշելու, այն էլ՝ տարօրինակ անվանումներով էլեկտրոնային հասցեներից: Այն մասին, թե ինչպես է պետք գրագետ ու ճիշտ ռեզյումե կազմել, ինչպես նաև գել մոտիվացիոն նամակ, մենք արդեն խոսել ենք: Այս անգամ կխոսենք ուղեկցող նամակի մասին, որը, իտարբերություն մոտիվացիոն նամակի (այն գրվում է ըստ պահանջի), պարտադիր բաղադրիչ է:
Ռեզյումեն փաստաթուղթ է, և ինչպես բոլոր փաստաթղթերը ունի հստակ կառուցվածք ու սահմաններ, որոնից դուրս կարող են մնալ հավելյալ կարևոր տեղեկություններ, որոնք կարող էին խոսել ձեր օգտին: Հենց դրա համար էլ գոյություն ունի ուղեկցող նամակը:
Ուղեկցող նամակը պետք է այնպիսին լինի, որ գործատուն ցանկանա ձեզ զանգահարել առանց ռեզյումեն բացելու: Ահա մի քանի կարևոր խորհուրդ, որոնք կօգնեն ձեզ ուղեկցող նամակ գրելիս:
Ուղեկցող նամակի բավարար ծավալը 2 պարբերությունն է՝ կազմված 5 նախադասությունից:
Սովորաբար աշխատանքային հայտարարության մեջ նշված է լինում կոնտակտային անձ: Հենց նրան դիմելով էլ՝ պետք է սկսել ուղեկցող նամակը: Հակառակ դեպքում կարելի է պարզապես հարգալից ողջունել:
Նախևառաջ տեղեկություններ ճշտեք այն ընկերության մասին, ուր պատրաստվում եք դիմել, որպեսզի ուղեկցող նամակում նշեք, թե ինչու եք ուզում աշխատել այդ ընկերությունում, ինչ ներդրում կարող եք ունենալ՝ այդտեղ աշխատելով, և ինչու է այդ հաստիքը համապատասխանում ձեզ: Ընկերության HR մասնագետը պետք է տեսնի տվյալ աշխատանքով ձեր հետաքրքրվածությունը ուղեկցող նամակի մեջ:
Եղեք քաղաքավարի ու հարգալից. «Բարև ձեզ: Սա իմ ռեզյումեն է: Կսպասեմ ձեր զանգին» բովանդակությունը բոլորովին ձեր օգտին չի խոսի: Նախընտրելի է ավելի մանրամասն ու բովանդակալից տեքստ. «Բարև Ձեզ, հարգելի (անուն, ազգանուն), ես հանդիպեցի Ձեր աշխատանքային հայտարարությանը N կայքում: Լինելով մարքեթինգի մասնագետ և ունենալով շուրջ 5 տարվա աշխատանքին փորձ՝ ես մեծ ցանկություն ունեմ աշխատելու ձեր ընկերությունում, որովհետև կարծում եմ, որ … »: Պարզ և առանց երկարաբանությունների ներկայացրեք այն հիմնական պատճառները, որոնք ձեզ դրդում են դիմելու հենց այդ աշխատանքի համար: Գուցե դա այն ընկերությունն է, որի մասին դուք միշտ երազել եք, գուցե սիրում եք այն բրենդը, որը ներկայացնում է տվյալ ընկերությունը, կամ միշտ հիացել եք ընկերության աշխատակիցների աշխատելաոճով և այլն, և այլն:
Ռեզյումեն և ուղեկցող նամակը չպետք է տառ առ տառ կրկնեն միմյանց կամ հակասող տեղեկություններ պարունակեն: Դրանք պետք է պարզապես լրացնեն իրար: Նշեք պատճառներ, թե ինչու եք համապատասխանում այդ հաստիքի համար անհրաժեշտ պահանջներին՝ հիմնվելով ձեր փորձի, հմտությունների, կարողությունների և ունեցած ձեռքբերումների վրա:
Փորձեք տարբերվել: Ամենայն հավանականությամբ գործատուն «Ես բարի եմ ու աշխատասեր» շարքի արտահայտությունները այնքան հաճախ է տեսել, որ անգամ ձեր ռեզյումեն բացելու ցանկություն չի ունենա և կփակի նամակը:
Շատ չհեռանալով գործնական գրելաոճից՝ կարող եք նշել մեկ-երկու արտահայտություն, որոնք հրաշալի կմտապահվեն գործատուի կամ HR մասնագետի մտքում և ձեզ կդարձնեն առանձնահատուկ: Գուցե ձեր կենսագրության մեջ կա շատ հետաքրքիր ձեռքբերում, գուցե դուք մասնագիտական բլոգ եք վարում կամ որևէ սոցիալական նախաձեռնության հեղինակ եք: Իհարկե, ցանկալի է, որ նշվող փաստը գոնե թեթև առնչություն ունենա այն հաստիքի հետ, որի համար դիմում եք: Եթե վստահ եք ձեր հումորի զգացման վրա, կարող եք հումորային ոճ օգտագործել, բայց փորձեք չչարաշահել այն:
Առանց երկար ծավալվելու ձեր անձի մասին նշեք, որ ուրախ կլինեք ներկայանալ անձնական հարցազրույցի համար, որի ընթացքում կկարողանաք ավելի ամբողջական ներկայացնել ձեր կարողությունները:
Ուղեկցող նամակ գրելի հարկավոր է խուսափել հետևյալ սխալներից:
Բացասաբար մի հիշատակեք ձեր նախկին գործատուին, մի խոսեք ձեր հոբբիների ու անձնական հետաքրքրություների մասին: Մի օգտագործեք հապավումներ տեքստում: Տեղին չէ նաև խոսել ձեր ամբիցիաների կամ ցանկալի աշխատավարձի չափի մասին:
Եվ, իհարկե, պետք է շատ ուշադիր լինել և անպայման ստուգել նամակը վրիպակներից և ուղղագրական սխալներից խուսափելու համար:
Դե իսկ վերջում փորձեք գործատուին կամ HR մասնագետին «կոնտակտի մղել»՝ ավելացնելով «Սիրով կսպասեմ ձեր արձագանքին (պատասխան նամակին, զանգին)»: Չմոռանաք շնորհակալություն հայտնել ձեզ տրամադրված ժամանակի համար և թողնել նաև կոնտակտային տեղեկություններ ձեր մասին՝ հեռախոսահամար և էլեկտրոնային փոստ:
Իսկ երբ ձեզ զանգահարեն և կանչեն հարցազրույցի (մենք չենք կասկածում այդ հարցում), չմոռանաք նաև ծանոթանալ հարցազրույցին ճիշտ ներկայանալու պահանջներին:
Մաղթում ենք հաջողություն՝ ձեր երազանքի աշխատանքը գտնելու ճանապարհին:
In this article
- ԱՇԽԱՏԱՆՔ
- աշխատանք
- աշխատանք գտնել
- աշխատանք մեծ ընկերություններում
- աշխատանքային առօրյա
- աշխատանքային գրաֆիկ
- աշխատանքի ընդունվել
- աշխատանքի ընտրություն
- աշխատավայր
- աշխատավարձ
- աշխատատեղ
- աշխարհի ամենալավ աշխատանքը
- գործատու
- երազանքի աշխատանք
- թափուր աշխատատեղ
- իմ երազանքի աշխատանքը
- ինչպես աշխատել
- ինչպես գտնել աշխատանք
- ինչպես գրել մոտիվացիոն նամակ
- ինչպես փնտրել աշխատանք
- խորհուրդներ
- հաստիք
- հարցազրույց
- հետաքրքիր աշխատանք
- ձեր երազանքի աշխատանքը
- ճիշտ մոտիվացիոն նամակ
- մարդկային ռեսուրսների մասնագետ
- մոտիվացիոն
- մոտիվացիոն գրքեր
- մոտիվացիոն նամակի ձև
- մոտիվացիոն նամակի օրինակ
- նամակ
- որտեղ գտնել աշխատանք
- ուղեկցող նամակ
- չափորոշիչներ
- ռեզյումե
- ռեզյումե աշխատանքի համար
- ռեզյումե խորհուրդներ
- ռեզյումե օրինակ
- սիրելի աշխատանք
Join the Conversation