![7 կետ ռեզյումեի մեջ, որոնց ուշադրություն է դարձնում գործատուն](https://www.internest.am/wp-content/uploads/2016/07/7-karevor-ket-resumei-mej-1132x670.jpg)
Facebook ընկերության փորձառու HR մասնագետներից մեկը կիսվում է իր փորձով ու ներկայացնում այն հիմնական կետերը, որոնց ինքն ուշադրություն է դարձնում ռեզյումեներն աչքի անցկացնելիս:
ԻՆՉԻ՞Ն ԵՆ ՈՒՇԱԴՐՈՒԹՅՈՒՆ ԴԱՐՁՆՈՒՄ ՌԵԶՅՈՒՄԵԻ ՄԵՋ
- Վերջին աշխատանքը: Facebook-ի HR-մասնագետը նշում է, որ սա իր համար թերևս ամենակարևոր կետն է: Շատ կարևոր է հասկանալ, թե ինչու է թեկնածուն թողել իր վերջին աշխատատեղը, հեռացել է սեփական ցանկությամբ, թե ոչ, ինչ պարտականություններ է ունեցել այնտեղ, որքան երկար է աշխատել:
- Ընկերության ճանաչելիությունը: Թեկնածուի մասնագիտական որակավորման մասին կարող է վկայել այն ընկերության անունը, որտեղ նա աշխատել է: Եթե նակին աշխատատեղերի ցանկում կա հայտնի ընկերություն, ապա դա կամա թե ակամա թեկնածուին շնորհում է ևս մեկ հավելյալ առավելություն:
- Ընդհանուր փորձ: Կարևոր է նաև հասկանալ այն, թե արդյոք թեկնածուն մասնագիտական աճ ունեցել է նախկինում, թե ոչ, արդյոք նրա հաջորդ աշխատանքը նախորդից ավելի պատասխանատու ու բարձր է եղել, պարտականությունները, նրա առջև դրված խնդիրները հետզհետե ավելի բարդ ու կարևոր են դարձել, թե ոչ:
- Բանալի բառեր: Եթե գործատուն փնտրում է որոշակի հմտություններով թեկնածու, օրինակ՝ ծրագրավորող, ապա նա կարող է առանձնապես ուշադրություն չդարձնել ձեր կազմակերպչական կարողությունների վրա, այլ պարզապես օգտագործել Ctrl + F կոճակների համադրությունն ու որոնել ծրագրավորման այն լեզուն, որն իրեն անհրաժեշտ է համոզվելու համար, որ այն առկա է ձեր հմտությունների ցանկում:
- Դադարներ: Սա թերևս գործատուներին ամենաշատն է անհանգստացնում: Եթե ձեր երկու աշխատանքների մեջ կա մի քանի տարվա դադար, ապա դա կարող է մտահոգիչ լինել: Անգամ եթե այդ շրջանում դուք պարզապես ֆրիլանս աշխատանք եք կատարել կամ փորձել եք սեփական գործ ձեռնարկել կամ էլ ֆիզարձակուրդում եք եղել, նշեք այդ մասին ռեզյումեի մեջ. խորհուրդ է տալիս Facebook-ի HR մասնագետը:
- Սոցիալական ցանցեր: Դրանք կարող են ձեր մասին պատմել շատ ավելին, քան ռեզյումեն: Համոզված եղեք, որ գործատուների մեծ մասն այսօր կփորձի ձեզ որոնել Facebook-ում կամ Twitter-ում: Այնպես որ, աշխատանքի դիմելուց առաջ հոգ տարեք նաև այն մասին, որ ձեր սոցիալական հաշիվները պատշաճ տեսք ունենան:
- Եվ վերջապես ռեզյումեի արտաքին տեսք, գրագետ կառուցվածք, ուղղագրական սխալների բացակայություն, պարզություն, հստակություն. հատկանիշներ, որոնց մասին մենք մեկ անգամ չէ, որ խոսել ենք:
ԻՆՉԻ՞Ն ՈՒՇԱԴՐՈՒԹՅՈՒՆ ՉԵՆ ԴԱՐՁՆՈՒՄ ՌԵԶՅՈՒՄԵԻ ՄԵՋ
- Կրթություն: Փորձն ավելի կարևոր է:
- Ավելորդ ձևավորումներ:
- Անձնական բնույթի տեղեկատվություն՝ ընտանեկան կարգավիճակ, երեխաների առկայություն, հոբբիներ և այլն:
Ի՞ՆՉ Է ՊԵՏՔ ԴԱԴԱՐԵԼ ԱՆԵԼ
- Օգտագործել ռեզյումեների հնացած ու տարածված նմուշներ: Պարզ ու հարմարավետ դիզայնով հայերեն ռեզյումեների նոր նմուշներ կարող եք գտնել այստեղ:
- Գրել տարբեր տառատեսակներով ու տառաչափերով:
- Գրել ռեզյումեն առաջին դեմքով (եթե, իհարկե, դա արված չէ շատ կրեատիվ տարբերակով):
- Կազմել բազմաթիվ էջերով ռեզյումեներ: 1-2 էջը միանգամայն բավարար է:
- Խաբել:
Անշուշտ այս խորհուրդներ որոշ չափով սուբյեկտիվ են, քանի որ տրված են մեկ մասնագետի կողմից, սակայն միանշանակ կարող են օգտակար լինել և մեծացնել ցանկալի աշխատանք ստանալու ձեր շանսերը:
Ռեզյումեն գրագետ կազմելու բովանդակային և տեխնիկական այլ խորհուրդների կարող եք ծանոթանալ այստեղ և այստեղ:
In this article
- ԱՇԽԱՏԱՆՔ
- CV աշխատանքի համար
- CV հայերեն օրինակներ
- CV ճիշտ ձև
- CV օրինակ
- CV օրինակներ
- աշխատանք
- աշխատավայր
- աշխատատեղ
- գործատու
- ինչպես գտնել աշխատանք
- ինչպես դիմել աշխատանքի համար
- ինչպես կազմել CV
- ինքնակենսագրություն
- խորհուրդներ
- հայերեն CV ներբեռնել
- հայերեն ռեզյումե
- հայերեն ռեզյումե ներբեռնել
- հայերեն ռեզյումե օնլայն
- հայերեն ռեզյումե օրինակ
- հայերեն ռեզյումե օրինակներ
- հայերեն ռեզյումեի նմուշներ
- ճիշտ ռեզյումե
- ռեզյումե
- ռեզյումե աշխատանքի համար
- ռեզյումե խորհուրդներ
- ռեզյումե ճիշտ ձև
- ռեզյումե ուղարկել
- ռեզյումե օնլայն
- ռեզյումե օրինակ
- ռեզյումե օրինակներ
- ռեզյումեի ձև
- ռեզյումեի նմուշ
- ռեզյումեի նմուշներ
- ռեզյումեի օրինակ
- ռեզյումեի օրինակներ
- սխալներ
- օնլայն ռեզյումե
Join the Conversation