10 ԳԻՐՔ, ՈՐՈՆՔ ՍՏԻՊԵԼ ԵՆ ԱՐՏԱՍՎԵԼ ԱՄԲՈՂՋ ԱՇԽԱՐՀԻՆ

Եվ այդ բոլոր զգացողություններն էլ օգտակար են մեզ համար, քանի որ ուշքի են բերում մեզ, օգնում են աշխարհին նայել ավելի խորը ու սթափ հայացքով և հասկանալ, թե ինչն է իսկապես կարևոր:

Ներկայացնում ենք ձեզ 10 հրաշալի գիրք, որոնք անտարբեր չեն թողել և ոչ մի ընթերցողի աշխարհի բոլոր ծայրերում ու տակնուվրա են արել նրանց հոգիները:

ԷՐԻԽ ՄԱՐԻԱ ՌԵՄԱՐԿ
ԵՐԵՔ ԸՆԿԵՐ

Эрих Мария Ремарк «Три товарища»/
Erich Maria Remarque “Three Comrades”

Այս ստեղծագործությունը իրավամբ համարվում է 20-րդ դարի ամենահուզիչ ու խորը ստեղծագործություններից մեկը: Վեպում պատմվում է երկու՝ իրարից շատ տարբեր, բայց նույն կերպ մոլորված անհատների սիրո մասին: Նրանց ամենուրեք հետապնդում են անցյալ ստվերները, պատերազմի մասին հիշողությունները: Ու թեև մահն ի վերջո բաժանում է նրանց, վեպը, միևնույն է, լցված է կյանքի հանդեպ անհագ սիրով, չէ՞ որ որքան կարճ է լինում մեր ժամանակը, այնքան շատ ենք մենք գնահատում դրա ամեն վայրկյանը։

ՋՈՆ ԲՈՅՆ
ԶՈԼԱՎՈՐ ՇԱՊԻԿՈՎ ՏՂԱՆ

Джон Бойн «Мальчик в полосатой пижаме» /
John Boyne “The Boy in the Striped Pyjamas”

9-ամյա տղան իր համար գտնում է լավ, բայց տարօրինակ մի ընկեր, ով, չգիտես ինչու, միշտ քաղցած է, իրենց տուն հյուր չի կանչում և ապրում է մետաղալարերի հետևում: Երեխաները չեն հասկանում, թե ինչ է տեղի ունենում մեծերի դաժան աշխարհում: Նրանք պարզապես այդտեղ ապրում են: Այս պատմությունը ընթերցելուց դեռ շատ երկար ժամանակ հետո դուք չեք կարողանա մոռանալ այն խորը տպավորությունը, որ գիրքը կթողնի ձեզ վրա:

ԱՆԱԲԵԼ ՊԻՏՉԵՐ
ԻՄ ՔՈՒՅՐՆ ԱՊՐՈՒՄ Է ԲՈՒԽԱՐՈՒ ՎԵՐԵՎՈՒՄ

Аннабель Питчер «Моя сестра живет на каминной полке»/
Annabel Pitcher “My Sister Lives on the Mantelpiece”

Ընտանիքում սուգ է, և միայն Ռոջերն է, որ լաց չի լինում: Նա վստահ է, որ ամեն ինչ մի օր տեղը կընկնի: Գուցե նրան հաջողվի հայտնի դառնալ ամբողջ աշխարհում, և այդ ժամանակ նրա քույրը՝ Ռոզան, ով ապրում է բուխարու վերևի դարակի վրա, նույնպես երջանիկ կլինի:

ՋԵՆՆԻ ԴԱՈՒՆՀԵՄ
ՔԱՆԻ ԴԵՌ ԵՍ ՈՂՋ ԵՄ

Дженни Даунхэм «Пока я жива» /
Jenny Downham “Before I Die”

Թեսսե Սքոթը ընդամենը 16 տարեկան է, բայց գիտի, որ առջևում շատ ժամանակ չի մնացել, քանի որ ինքը ծանր հիվանդ է: Թեսսեն կազմում է խելահեղ ցանկությունների ցանկ, որոնք ուզում է իրագործել մինչև մահանալը: Այս պարզ ու ազնիվ վեպը սովորեցնում է վայելել կյանքի ամեն մի վայրկյանը այնպես, ասես դա վերջինն է ձեր կյանքում:

ՍՏԵՖԱՆ ՑՎԵՅԳ
ՍՐՏԻ ԱՆՀԱՄԲԵՐՈՒԹՅՈՒՆ

Стефан Цвейг «Нетерпение сердца» /
Stefan Zweig “Beware of Pity”

Գիրքը անդամալույծ մի գեղեցկուհու անհույս սիրո մասին է դեպի մի սպա, ով կարող է պատասխանել նրա զգացմունքներին միայն խղճահարությամբ: Սակայն աղջկա սիրո ուժն այնքան մեծ է, որ անգամ կարիք չունի փոխադարձ զգացմունքի: Եվ հակառակ ամեն ինչի՝ նա չի դադարում հուսալ, որ մի օր ինքը հրաշքով ոտքի կկանգնի ու կկարողանա քայլել:

ՄԱՐԿ ԼԵՎԻ
ՍՏՎԵՐՆԵՐԻ ԳՈՂԸ

Марк Леви «Похититель теней» /
Marc Levy “The Shadow Thief”

Վեպի գլխավոր հերոսը մի փոքրիկ տղա է, ով ստվերներին լսելու զարմանալի կարողություն ունի և կարողանում է գողանալ նրանց: Նա նաև կարողանում է օգնել ստվերներին և նրանց տերերին՝ փոխելով նրանց ճակատագրերը դեպի լավը: Մեծանալով ու բժիշկ դառնալով՝ հերոսն օգտագործում է իր շնորհը, որպեսզի առողջացնի հիվանդներին, սակայն ինքն իրեն հերոսը, ցավոք, օգնել չի կարող:

ԷՐԻԿ-ԷՄԱՆՈՒԵԼ ՇՄԻԴՏ
ՕՍԿԱՐԸ ԵՎ ՎԱՐԴԱԳՈՒՅՆՈՎ ՏԻԿԻՆԸ

Эрик-Эмманюэль Шмитт «Оскар и Розовая Дама» /
Éric-Emmanuel Schmitt “Oscar and the Lady in Pink”

Օսկար անունով տղան քաղցկեղով հիվանդ է, իսկ նրա խնամողը՝ Վարդագույնով տիկինը, նրա երկրորդ մայրն է: Երբ Օսկարն իմանում է, որ իրեն ապրելու քիչ ժամանակ է մնացել, Վարդագույնով տիկինը առաջարկում է նրան խաղ խաղալ՝ հաշվել ամեն մի օրը որպես 10 տարի: Այդպես Օսկարը 12 օրվա ընթացքում հասցնում է մեծանալ, սիրահարվել և նույնիսկ ծերանալ:

ԿԵՆ ԿՈՒԶԻ
ԹՌԻՉՔ ԿԿՎԻ ԲՆԻ ՎՐԱՅՈՎ

Кен Кизи «Над кукушкиным гнездом» /
Ken Kesey “One Flew Over the Cuckoo’s Nest”

Բանտից և հոգեբուժարանից վեպի հերոսն ընտրում է երկրորդը՝ իզուր կարծելով, որ այնտեղ ավելի լավ կլինի: Նա պատերազմ է հայտարարում համակարգին և մինչև վերջին վայրկյանը հավատարիմ է մնում ինքն իրեն: Այս պատմությունը բացահայտում է, թե իրականում որքան լղոզված են խելագարության ու առողջ դատողության սահմանները:

ՄԱՐԿՈՒՍ ԶՈՒՍԱԿ
ԳՐՔԵՐԻ ԳՈՂԸ

Маркус Зусак «Книжный вор» /
Markus Zusak “The Book Thief”

Փոքրիկ Լիզելը ծանր ճակատագիր ունի: Նա ապրում է նացիստական Գերմանիայում, որտեղ նրա հորը կոչում են տարօրինակ անունով՝ «կոմունիստ»: Մի օր նրա հայրը անհետանում է, իսկ մայրը հանձնում է իրեն ու եղբորը որդեգրման: Կարճ ժամանակ անց Լիզելի եղբոր կյանքը խլում է Մահը: Իսկ մի օր Լիզելը գիրք է գտնում: Ընթերցանությունը դառնում է նրա կյանքի միակ ուրախությունը, և գրքի տպագիր բառերը ասես ուժ են ներարկում աղջկան ապրելու համար:

ԱՆՆԱ ՖՐԱՆԿ
ԱՊԱՍՏԱՐԱՆ. ՕՐԱԳԻՐ՝ ՆԱՄԱԿՆԵՐԻ ՏԵՍՔՈՎ

Анна Франк «Убежище. Дневник в письмах» /
Anne Frank “The Diary of a Young Girl”

Աննա Ֆրանկը մահացել է համակենտրոնացման ճամբարում, երբ ընդամենը 15 տարեկան էր: 1942-1944 թվականներին աղջիկը օրագիր էր վարում, նկարագրում էր իր կյանքը, պատմում դեռահասի իր հույզերի, ապագայի երազանքների մասին՝ մասնագիտության, սիրո ու ընտանեկան կյանքի մասին: Գիրքն այնքան իրական է, այնքան կենդանի… Այն ընթերցելը դժվար է, սակայն անհրաժեշտ, քանի որ այն, ինչ ապրել են Աննա Ֆրանկն ու նրա նման հարյուր հազարավոր երեխաներ, մոռանալ չի կարելի:

Աղբյուր