Ինքնավստահությունը կարելի է համեմատել օվկիանոսում լողացող սառցալեռան հետ: Մեզ թվում է, թե պարտադիր պետք է բարձրանանք այդ բարձունքը և գագաթին ծածանենք դրոշակ, վրան գրված` «Ես ամեն ինչ հոյակապ եմ արել»:
Մենք իսկապես վստահ ենք, որ այսբերգն ունի գագաթ և գիտակցաբար ձգտում ենք դրան: Եվ այստեղ էլ թաքնված է ամենամեծ սխալը: Ի տարբերություն օվկիանոսում լողացող այսբերգի, մեր իսկ ստեղծած իդեալականության այսբերգը գագաթ չունի: Ու երբ չենք հասնում այդ գագաթին, հուսահատվում ենք և ընկնում դեպրեսիայի մեջ: Հենց այսպես էլ ծնվում են ներքին բարդույթները:
Ներքին բարդույթները յուրատեսակ տաբուներ են, որոնք մենք ստեղծում ենք մեզ համար ինքնակամ` հաճախ չգիտակցելով, որ հենց դրանք էլ հանդիսանում են հաջողության մեր ճանապարհին ընկած գլխավոր խոչընդոտները:
Ահա 4 խորհուրդ, որ կօգնեն ազատվել ներքին կապանքներից:
ԿԱՌԱՎԱՐԵՔ ՁԵՐ ԽՈՍՔԸ
Առաջին տագնապային ազդանշանը, որ հուշում է` դուք ունեք ներքին բարդույթներ, ձեր խոսքն է: Հետևեք նրան: Ամենայն հավանականությամբ դուք հաճախ եք կրկնում այնպիսի արտահայտություններ, ինչպիսիք են` «դա անհնար է» կամ «ինձ մոտ չի ստացվի»: Երբ դուք ինքնավստահ չեք որոշ հարցերում, հաճախ դա դուրս է պրծնում բերանից և վկայում է այն մասին, որ կան բաներ, որոնք խանգարում և հետ են պահում ձեզ: Փորձեք ինքնուրույն ուշադրություն դարձնել դրա վրա կամ գտեք մեկին, ով կհուշի ձեզ այդ մասին:
ՓՆՏՐԵՔ ՃԱՆԱՊԱՐՀԻՆ ԿԱՆԳՆԱԾ ԱՐԳԵԼՔՆԵՐ
Դուք զգում եք, որ դոփո՞ւմ եք նույն տեղում: Միգուցե անցյա՞լը հանգիստ չի թողնում: Կամ էլ չափազանց զգացմունքայի՞ն եք: Շատ կարևոր է խորասուզվել ինքներդ ձեր մեջ, որպեսզի գտնեք այն պատճառները, որոնք ձեզ անհանգստացնում և խանգարում են առաջ շարժվել:
Ներքին բարդույթների սկզբնաղբյուրները 3-ն են.
Չափազանցված պահանջներ ինքներդ ձեզնից: Դուք կարծում եք, որ պետք է գլուխ հանեք բացարձակապես ամեն ինչից և բոլորից լավ, ընդ որում` ամեն ինչին հասնեք ինքնուրույն: Այդ պահաջներից և ոչ մեկն իրական չէ:
Ապրել հանուն ուրիշների: Շատերը վստահ են, որ իրենց սուրբ պարտքն է մարդկանց ավելի երջանիկ դարձնել կամ էլ ծավալել հասարակական-մարդասիրական գործունեություն: Հաճախ նույնիսկ կզոհեք ձեր սեփական շահերը, որպեսզի չարժանանաք շրջապատի քննադատությանը: Այդպիսի ճանապարհը կեղծ է:
Ունենալ ինչ-որ բան: Սա փակ շղթա է: Դուք վստահ եք, որ լիակատար երջանիկ կլինեք, եթե հասնեք ինչ-որ դիրքի կամ ունենաք մի հերթական իր, որի մասին միշտ երազել եք: Ձեզ թվում է՝ դրանից հետո ձեր կյանքն ավելի հեշտ կդառնա, բայց արի ու տես, որ այն առաջվանն է: Դուք էներգիա եք ծախսում անհնարինին հասնելու համար:
ԴԱԴԱՐԵՔ ԿԱՍԿԱԾԵԼ
Ձեր ներքին բարդույթները կարող են ձևավորված լինել վաղ մանկության շրջանում: Քանի որ բավականաչափ ժամանակ է անցել, դրանք մեխվել են ձեր գիտակցության մեջ, և հիմա դրանց շատ դժվար է հեռու վանել: Դադարեք կասկածել, ինքներդ ձեզ թույլ տվեք շունչ քաշել կասկածանքներից, ձեզ պատին դեմ մի տվեք:
Եթե ձեզ մոտ ոչինչ չի ստացվում, պատկերացրեք, թե ինչ-որ ֆիլմի հերոս եք: Այնպիսի հերոս, որը ստիպված է արգելքներ հաղթահարել: Այդ արգելքը ձեր ներքին ձայնն է, որը պարզապես արդեն զզվեցնում է` ասելով, թե ձեզ մոտ ոչինչ չի ստացվի, և նրան հարկավոր է լռեցնել: Ի՞նչ կանեիք դուք այդ հերոսի փոխարեն. մտածեք և պատասխանն անպայման կգտնվի: Looking for remote .NET developers ? Contact us.
ՀԱՎԱԿՆՈՏ ՆՊԱՏԱԿՆԵՐ ԴՐԵՔ ՁԵՐ ԱՌՋԵՎ
Ենթադրենք՝ դուք ձեր առջև նպատակ եք դրել, որին պետք է հասնեք ամեն գնով: Երբ դուք արդեն հաշվարկել եք բոլոր քայլերը, դրանց վրա ավելացրեք ևս մեկը` մի մեծ ու հավակնոտ նպատակ: Այդ հնարքը ձեզ կօգնի շատ ավելի հեշտ գնալ նշված ուղղությամբ: Ամենակարևորն այն է, որ այդ նպատակը ձեզ պետք է դուրս բերի հարմարավետության սովորական միջավայրից: Գուցե դուք միանգամից հաջողության չհասնեք, սակայն քրտնաջան կաշխատեք այդ ուղղությամբ: Որքան շատ աշխատեք, այնքան շատ կհավատաք ինքներդ ձեզ և այն գործին, որն անում եք: Դա կօգնի ձեզ մոռանալ ինքնասահմանափակումների մասին:
In this article
- ՀՈԳԵԲԱՆՈՒԹՅՈՒՆ
- անձի հոգեբանություն
- բարդույթներ
- ինչպես հաղթահարել
- ինչպես հաղթահարել բարդույթները
- ինչպես հաղթահարել դժվարությունները
- ինչպես հաղթահարել վախը
- խնդիրներ
- կասկածել
- կյանք
- կոմպլեքսներ
- հոգեբանական բարդույթներ
- հոգեբանական վերլուծություն
- հոգեբանություն
- հոգեբանություն խնդիրներ
- մարդկային հոգեբանություն
- մարդու հոգեբանություն
- ներքին բարդույթներ
- նպատակներ
Join the Conversation